Am y Prosiect
Mae Diverse Cymru, sydd nawr yn rhan o Adferiad, yn falch i gyhoeddi ein bod yn rheoli rownd ychwanegol o Gynllun Grantiau Diwylliant Llywodraeth Cymru ar gyfer Sefydliadau Llawr Gwlad ac y bydd y cynllun yn agored ar gyfer ceisiadau hyd at 5pm ar ddydd Llun, 15fed Medi 2025.
Mae Cynllun Grantiau Diwylliant Llywodraeth Cymru ar gyfer Sefydliadau Llawr Gwlad yn un o ystod o weithgareddau sy’n cymryd lle i gefnogi pobl o gymunedau Pobl Dduon, Asiaidd a Lleiafrifoedd Ethnig – yn cynnwys pobl o gymunedau Sipsiwn, Roma a Theithwyr; unigolion o’r gymuned LHDTC+; ac unigolion anabl, i gael mynediad cyfartal i a chyfranogiad mewn gweithgareddau cymunedol ar draws Cymru.
Pwy ydyn ni’n eu cefnogi?
Mae’r Cynllun Grant hwn yn rhan o waith Llywodraeth Cymru ar gynllunio a strategaeth cydraddoldeb, yn benodol y:
- Cynllun Gweithredu Cymru Wrth-hiliol
- Cynllun Gweithredu LHDTC+ i Gymru
- Cynllun Hawliau Pobl Anabl: 2025-2035
Mae gwybodaeth bellach am y gwaith hwn ar gael yn:
Equality planning and strategy | Sub-topic | GOV.WALES
Sut ydyn ni’n ei wneud?
Bydd y rownd newydd yma o grantiau gwerth £174,000 o gyllid refeniw a £60,000 o gyllid cyfalaf yn galluogi Grwpiau Llawr Gwlad neu Grwpiau sy’n cael eu rhedeg gan neu ar gyfer:
- Pobl o gymunedau Pobl Dduon, Asiaidd a Lleiafrifoedd Ethnig yng Nghymru. Mae hyn yn cynnwys pobl o gymunedau Sipsiwn, Roma a Theithwyr.
- Pobl o’r gymuned LHDTC+ yng Nghymru.
- Pobl anabl yng Nghymru.
I ddarparu prosiectau 6 mis rhwng Hydref 2025 – Mawrth 2026 sy’n adlewyrchu amrywiaeth cymunedau Cymru drwy weithgareddau celf a diwylliant.
Mae 3 ffrwd grantiau:
- Grantiau Bach (£1,000.00-£2,000.00)
- Grantiau Canolig (£2,000.01-£5,000.00)
- Grantiau Mawr (£5,000.01-£15,000.00)
Atgyfeirio
Os gwelwch yn dda, edrychwch ar dudalen pob ffrwd am fwy o fanylion neu cysylltwch â culturegrants@adferiad.org
Adnoddau