About the Project
Mae’r gwasanaeth yn darparu cefnogaeth unigol a gweithgareddau grwp ar gyfer pobl sy’n dioddef gyda materion iechyd meddwl ac/neu ddefnydd sylweddau. Mae ein hybiau wedi eu lleoli yn Ty Harrington, Pentre, Canolfan Lles Gellideg yn Methyr Tudful, YMA Pontypridd a Cynon Linc yn Aberdâr. Mae’r gwasanaeth hwn yn hyrwyddo annibyniaeth ac addysg, ac yn gweithio’n gadarnhaol tuag at lesiant cyffredinol yr unigolyn ar eu taith i adferiad drwy weithgareddau therapiwtig ac addysg. Mae ein hybiau’n cael eu harwain gan ein defnyddwyr gwasanaeth ac yn le diogel a chyfeillgar ble bydd eich llais wastad yn cael ei glywed.
Pwy ydyn ni’n eu cefnogi?
Cefnogwn unigolion 18 oed ac uwch gyda’r prif anghenion iechyd meddwl a defnydd sylweddau. Cefnogwn ddefnyddwyr gwasanaeth yn ein hybiau lleol ac yn eu cymunedau lleol.
Sut ydyn ni’n ei wneud?
Cefnogwn ddefnyddwyr gwasanaeth ar eu llwybr i adferiad trwy gynnig amserlen therapiwtig, gyfeillgar a hwyliog a ddarperir drwy’r holl hybiau y sonwyd amdanynt yn Cwm Taf Morgannwg. Rydym yn ymfalchïo mewn hyrywddo annibyniaeth ein defnyddwyr gwasanaeth tra’n eu hymgysylltu mewn gweithgareddau ystyrlon a’u cysylltu gyda’u cymunedau lleol. Rydym hefyd yn cynnig sesiynau cefnogaeth unigol person-ganolog i’n defnyddwyr gwasanaeth yn ein hybiau cymunedol.
Cynigiwn gludiant am ddim i ddefnyddwyr gwasanaeth a’u gofalwyr i apwyntiadau cleifion allanol iechyd meddwl, ac hefyd yn cynnig cludiant am ddim i fynd â gofalwyr i ymweld â’u hanwyliaid yn Ysbyty Brenhinol Morgannwg. Mae ein gwasanaeth hefyd yn cynnig arwyddbostio i wasanaethau o fewn y gymuned sy’n fuddiol i’n defnyddwyr gwasanaeth. Rydym hefyd yn cynnig gwasanaeth proffesiynol iechyd meddwl ac arian i helpu ein defnyddwyr gwasanaeth gyda budd-daliadau a rhai sy’n profi caledi ariannol.
Atgyfeirio
Derbyniwn atgyfeiriadau gan weithwyr proffesiynol yn ogystal â hunan-atgyfeiriadau. Rydym yn gwasanaethu Rhondda Cynon Taf a Merthyr Tudful i gyd.
Os hoffech wneud caise am fwy o wybodaeth, neu drafod y broses atgyfeirio gyda ni, cysylltwch trwy ddefnyddio’r rhif ffôn neu’r cyfeiriad e-bost uchod.