Diwrnod Deubegwn y Byd: Gwella Dealltwriaeth a Gwahodd Newid

Ar y Diwrnod Deubegwn y Byd hwn, cymerwch foment i roi sylw i anhwylder deubegwn.

Amcangyfrifir bod mwy na miliwn o bobl yn y Deyrnas Unedig ag anhwylder deubegwn, gydag oddeutu 50,000 i 55,000 o bobl yn Nghymru, mae’n debyg, yn byw gyda’r cyflwr.

Caiff anhwylder deubegwn ei gamddeall yn aml. Edrychir arno weithiau mewn termau syml ynghylch newidiadau mewn hwyliau ond mae’r realiti yn llawer mwy cymhleth. Gall effeithio ar bob agwedd o fywyd person, o berthnasoedd a gwaith i hunaniaeth a llesiant. Mae profiadau’n amrywio’n eang, ac nid yw taith yr un ddau berson yr un fath.

Y Diwrnod Deubegwn y Byd hwn, rydym eisiau dathlu’r cynnydd a wnaed i ddeall y cyflwr, tynnu sylw at y gwaith ymchwil diweddaraf, a gwahodd pawb i fod yn rhan o’r newid boed hynny trwy gefnogi’r rhai hynny sy’n byw gydag anhwylder deubegwn, codi ymwybyddiaeth, neu gyfrannu tuag at waith ymchwil megis astudiaeth ‘B-SPRINT’ Hwb yr Ymennydd a Genomeg.

————————————————————————————————————–

Cefnogi Gwell Dealltwriaeth Trwy Ymchwil

Mae Adferiad yn cymryd rhan weithredol mewn ymchwil sy’n anelu i wella sut mae salwch meddwl difrifol yn cael eu deall, yn cael diagnosis, a’u trin.

Un ardal allweddol o’r gwaith hwn yw ein cyfranogiad yn astudiaeth ‘B-SPRINT’ Hwb yr Ymennydd a Genomeg. Trwy weithio ochr yn ochr gyda’n partneriaid, Bipolar UK a Phrifysgol Caerdydd, y nod yw i ddeall triniaeth a diagnosis salwch meddwl difrifol yn well.

Mae’r ymchwil hwn yn ffocysu ar wella diagnosis cyflyrau iechyd meddwl difrifol, yn cynnwys anhwylder deubegwn, seicosis, sgitsoffrenia, ac anhwylder sgitsoaffeithiol, yn ogystal ag adnabod targedau newydd ar gyfer triniaeth.

Trwy ddod ag arbenigedd at ei gilydd o ar draws ymchwil, ymarfer clinigol, a phrofiad byw, anelai’r astudiaeth i adeiladu dealltwriaeth gliriach a mwy manwl gywir o sut mae’r cyflyrau hyn yn datblygu ac yn cael eu profi.

———————————————————————————————————

 Cynnydd

Erbyn mis Chwefror, mae 154 o bobl wedi cael eu recriwtio i’r prosiect. Mae’r manylion ar gyfer y cyfranogwyr fel a ganlyn:

• Rhyw: Benywaidd = 60%, Gwrywaidd = 39% Gwrywaidd, Arall = 1%
• Oedran cyfartalog y cyfranogwyr = 45 mlwydd oed
• Ethnigrwydd: Gwyn Prydeinig (Saesneg, Cymraeg, Albanaidd a Gogledd Iwerddon) = 92%
• SMI: Sgitsoffrenia = 21%, Anhwylder sgitsoaffeithiol = 8%, Anhwylder Deubegwn = 69%

Mae hwn yn gyflawniad gwych, ond mae angen gwneud mwy i helpu gyda dyfodol salwch meddwl difrifol.

Mae’r recriwtio yn mynd yn ei flaen hyd 2027 ac fe anogir unigolion sydd â chyflyrau iechyd meddwl difrifol i gymryd rhan i helpu i wneud cynnydd i’r dyfodol. Bydd yr holl gyfranogwyr yn derbyn £120 ar gwblhau’r astudiaeth.

Gallwch ymweld â gwefan braingenhub.co.uk am wybodaeth bellach ac i wneud cais.

Gwneud Gwahaniaeth i Anhwylder Deubegwn

Gall cyflyrau megis anhwylder deubegwn fod yn gymhleth, gyda symptomau a allai orgyffwrdd gyda chyflyrau iechyd meddwl eraill. Weithiau, gall hyn arwain i oediadau mewn diagnosis neu i heriau wrth ddod o hyd i’r gefnogaeth fwyaf effeithiol.

Mae gwaith ymchwil megis yr astudiaeth B-SPRINT yn hanfodol wrth fynd i’r afael â’r heriau hyn. Trwy wella’r ddealltwriaeth ar lefel fiolegol a phrofiad, mae ganddo’r potensial i gefnogi diagnosis gynharach, i ddarparu gofal sydd wedi ei bersonoleiddio fwy, ac i arwain i ddeilliannau gwell yn yr hirdymor.

Ochr yn ochr â hyn, mae gwaith ymchwil ehangach Adferiad – yn gweithio’n uniongyrchol gyda defnyddwyr gwasanaeth a therapyddion, yn parhau i amlygu pwysigrwydd cefnogaeth sy’n hygyrch, yn gynhwysol, ac yn canolbwyntio ar y person.

Boed hynny drwy dechnolegau newydd neu drwy wasanaethau traddodiadol, mae’r neges yn glir: mae’n rhaid i’r gefnogaeth weithio i’r unigolyn.

Diwrnod Deubegwn y Byd

Gall byw gydag anhwylder deubegwn ddod â heriau, ond dim ond un rhan o stori person ydyw.

Trwy ymchwil, cydweithio, a phrofiad byw, gallwn barhau i wella dealltwriaeth, i herio stigma, ac i sicrhau bod pobl yn derbyn y gefnogaeth sydd ei hangen arnynt, pan maent ei hangen.

Ar y Diwrnod Deubegwn y Byd hwn, rydym eisiau ail-gadarnhau ein hymrwymiad i’r gwaith hwnnw ac i annog pob cyfraniad i helpu i greu gwell dealltwriaeth o gyflyrau iechyd meddwl difrifol.

Os oes gennych chi neu unrhyw un rydych yn eu hadnabod ddiddordeb mewn cymryd rhan yn yr astudiaeth B-SPRINT, gallwch ddod o hyd i fwy o wybodaeth yn braingenhub.co.uk

Os hoffech gymryd rhan neu os hoffech wybod mwy am waith Adferiad yng Nghymru, cysylltwch â ni yn info@adferiad.org

Am fwy o wybodaeth am Hwb yr Ymennydd a Genomeg, gallwch wylio fideo’r lansiad trwy glicio yma.

Am ddiweddariadau ynghylch Hwb yr Ymennydd a Genomeg, gallwch ddilyn Prifysgol Caerdydd ar eu cyfryngau cymdeithasol.

Hawlfraint y darlun: Prifysgol Caerdydd