Am y Prosiect
Mae Grantiau Bach Gofalwyr Caerffili yn gynllun ar gyfer gofalwyr di-dâl sy’n byw ym Mwrdeistref Sirol Caerffili, gan roi mynediad i unigolion sy’n gofalu am anwylyd i gymorth ariannol untro gyda’r nod o gefnogi eu rôl ofalu a helpu i frwydro yn erbyn yr argyfwng costau byw.
Yn rhy aml o lawer, mae Gofalwyr Di-dâl yn anwybyddu eu hanghenion eu hunain. Nod Cynllun Grantiau Bach Caerffili yw gwneud bywyd bob dydd ychydig yn haws i unigolion sy’n gofalu am aelod o’r teulu, ffrind, partner neu gymydog a helpu i leddfu’r pwysau o gynnydd mewn costau byw.
Pwy ydyn ni’n eu cefnogi?
Gall y cynllun hwn gefnogi pob gofalwr di-dâl sy’n byw ym Mwrdeistref Caerffili. Gallai gofalwyr di-dâl fod yn berthnasau, ffrindiau, partneriaid neu gymdogion sy’n darparu cymorth ymarferol ac emosiynol dyddiol i unigolyn sydd â chyflwr iechyd corfforol neu feddyliol gan gynnwys niwroamrywiaeth a dementia.
Sut ydyn ni’n ei wneud?
Mae grantiau bach o hyd at £300 ar gael i’ch cefnogi yn eich rôl ofalu.
Gellir dosbarthu’r £300 fel talebau ar gyfer:
- prynu nwyddau gwyn, eitemau yn y cartref neu offer a fydd yn eich helpu yn eich dyletswyddau gofalu, rhyddhau mwy o amser neu leihau’r straen o dasgau penodol
NEU
- talebau archfarchnad i brynu dillad neu fwyd i’ch helpu chi a’r person rydych yn gofalu amdano gyda’r argyfwng costau byw presennol
Atgyfeirio
Gall gofalwyr neu eu gweithwyr cymorth gysylltu gan gysylltu â caerphillysmallgrants@adferiad.org i dderbyn y ffurflen gais ar-lein. Rhaid i ofalwyr o dan 16 oed cwblhau’r cais gyda oedolyn.
Gall prosesu gymryd hyd at 4 wythnos.