Am y Prosiect
Mae Llety â Chefnogaeth Tŷ Northgate House wedi ei leoli yn Hwlffordd ac yn dŷ ar wahân mae Adferiad yn ei rentu gan Gymdeithas Tai Ateb. Mae Tŷ Northgate yn darparu llety â chefnogaeth dros dro i ddeiliaid gyda defnydd alcohol a sylweddau. Darparwn gefnogaeth i unigolion sydd wedi bod trwy rhaglen driniaeth ar gyfer eu defnydd alcohol / sylweddau, fel rhan o’u rhaglen llesiant. Mae dwy elfen i’r prosiect; y llety â chefnogaeth dros dro (tŷ a rennir), a darpariaeth y gwasanaeth cefnogaeth lle bo’r angen ar draws Sir Benfro.
Pwy ydyn ni’n eu cefnogi?
Yn Nhŷ Northgate, cefnogwn ddeiliaid gyda materion defnydd alcohol a sylweddau sydd wedi gadael adsefydlu ac angen cefnogaeth i barhau i ddilyn y cynllun sydd wedi ei osod allan ar gyfer adferiad gan y gwasanaeth defnydd sylweddau CDAT/DDAS.
Sut ydyn ni’n ei wneud?
Cefnogwn gleientiaid tuag at gynllun cefnogaeth sy’n berson-ganolog gyda’r nod o atal digartrefedd. Mae’r gefnogaeth a ddarparwn yn cynnwys: ceisio am fudd-daliadau, cyllido a rheoli dyled, cefnogi i fynychu apwyntiadau cychwynnol, ac arwyddbostio i asiantaethau cefnogaeth perthnasol. Mae’r staff yn annog deiliaid i gymryd rhan mewn gweithgareddau cymdeithasol nodweddiadol gyda ffrindiau a gyda’i gilydd, megis coleg, hyfforddiant, hobïau, gwyliau, gwirfoddoli, lleoliadau gwaith a.y.y.b. Yn gyffredinol, cefnogir ac anogir unigolion i baratoi ar gyfer ac i gyrraedd eu nodau a’u potensial wrth baratoi ar gyfer byw’n annibynol.
Cymhwysedd / Proses Atgyfeirio
I fod yn gymwys ar gyfer Tŷ Northgate, mae’n rhaid i chi fod wedi cwblhau rhaglen o driniaeth a bod yn rhydd o gyffuriau / alcohol ac wedi ymrwymo i gynnal yr ymataliad hwn. Mae’n rhaid i chi hefyd fod yn byw yn Sir Benfro ac yn 18 oed neu uwch. Bydd y llety yn dros dro a bydd angen ymrwymo i sicrhau annibyniaeth o fewn dwy flynedd.
Rhaid bod unrhyw ymholiadau neu atgyfeiriadau yn cael eu gwneud i weithiwr cymdeithasol camddefnyddio sylweddau neu’r gwasanaeth Cyffuriau ac Alcohol, Cyngor Sir Benfro, a fydd yn cynorthwyo’r person neu’r asiantaeth i wneud cais am le yn y cynllun. Bydd yr holl geisiadau yn cael eu hystyried gan banel sydd yn cynnwys rheolwr gwasanaeth Camddefnyddio Sylweddau ac iechyd Meddwl Cyngor Sir Benfro (cadeirydd), rheolwr tîm Cyffuriau ac Alcohol Cyngor Sir Benfro.
Os hoffech drafod y broses atgyfeirio gyda ni, cysylltwch trwy ddefnyddio’r rhif ffôn neu’r cyfeiriad e-bost uchod.