Mae Adferiad Recovery yn falch o fod yn Elusen a arweinir gan ei haelodau. Golygai hyn fod Llais ein haelodau yn greiddiol i bopeth rydym yn ei wneud. Drwy ddod yn aelod byddwch yn rhan o’r llais i’r miloedd o bobl yng Nghymru a Lloegr sy’n wynebu ystod o faterion iechyd sy’n cyd-ddigwydd ac amgylchiadau cymdeithasol cymhleth, drwy frwydro am newid, rhannu profiadau a helpu i siapio ein gwaith. Gobeithiwn yr ymunwch â ni a dod yn rhan o Lais Adferiad!
Cynrychiolir Adferiad Recovery ar nifer o grwpiau strategol Cymru a’r Deyrnas Unedig gyfan sy’n cynrychioli lleisiau ein cleientaid a gofalwyr. Mae Llywodraeth Cymru a Llywodraeth y Deyrnas Unedig yn gwrando ar Adferiad Recovery, ond mae mwy o aelodau’n golygu llais cryfach, mwy o awdurdod a mwy o ddylanwad ble mae’n cyfrif.
Nid oes tâl i ddod yn aelod ond rydym bob amser yn croesawu unrhyw gyfraniad sy’n mynd tuag at uchelgais a chenhadaeth yr elusen.
Mae rhwydweithiau lleol Adferiad Recovery ledled Cymru’n cynnig cefnogaeth, cymorth ymarferol a’r cyfle i rannu profiadau, i wneud ffrindiau newydd ac i ymgyrchu. Aelodaeth sy’n dal y rhwydweithiau hyn gyda’i gilydd ac yn rhoi llais i’r cyfranogwyr am y ffordd yr ydym yn symud ymlaen.
Mae gan aelodau’r cyfle i gymryd rhan yn ein harolygon a’n grwpiau ffocws. Golygai hyn y byddwn yn gofyn am eich barn a’ch profiadau i godi ymwybyddiaeth yn ein cenhadaeth ac i godi proffil Adferiad. Gall aelodau hefyd ethol Ymddiriedolwyr a chael y cyfle i ddod yn Ymddiriedolwr o dan gyfansoddiad Adferiad Recovery, sy’n golygu mai’r bobl sy’n derbyn ein gwasanaethau sy'n llywodraethu'r tîm staff sy'n eu darparu.
Mae Adferiad Recovery yn cynnig ystod eang o wasanaethau i’r rhai sydd â phroblemau iechyd meddwl, dibyniaeth, materion sy’n cyd-ddigwydd/cymhleth ac anghenion corfforol, ac i’w teuluoedd a’u gofalwyr.
Byddwch, fel aelod, yn derbyn adnoddau cyfyngedig yn cynnwys newyddlen i aelodau, gwahoddiadau i’n ddigwyddiadau ymgyrchoedd lleol a chenedlaethol, ac adnoddau pellach. Cewch fynediad i’n ‘Ardal Aelodau’ trwy ein gwefan.
Mae dod yn aelod yn hawdd, yr unig beth sydd angen i chi ei wneud yw i gwblhau’r ffurflen isod, wedyn fe gysylltwn â chi i’ch croesawu fel aelod swyddogol.
Dewch yn aelod yma