Am y Prosiect
Mae CoSA (Cylchoedd Cefnogaeth ac Atebolrwydd) yn cefnogi troseddwyr rhywiol risg uchel (Aelodau Craidd (CM)), sydd wedi cymryd cyfrifoldeb am eu euogfarnau. Gallwn eu cefnogi ar ôl iddynt gael eu rhyddhau o’r carchar. Nod y cylch yw cefnogi’r CM i’w cymuned newydd, ennill diddordebau newydd ac yn dibynnu ar oedran, mynd yn ôl i’r gwaith. Mae effaith atebolrwydd a bod yn rhan o gymuned yn lleihau’r risg o aildroseddu’n sylweddol. Mae’r gwasanaeth yn cael ei ddarparu ledled Cymru yn dibynnu ar ble mae angen cylch. Ni yw Cylchoedd Cymru, sy’n rhan o Circles UK, a’r llinell tag ar gyfer y gwasanaeth yw ‘No more victims’.
Pwy ydyn ni’n eu cefnogi?
Rydym yn cefnogi troseddwyr rhywiol risg uchel, trwy eu helpu i ymgysylltu a dod yn rhan o’u cymunedau mewn ffordd ddiogel.
Sut ydyn ni’n ei wneud?
Rydym yn cefnogi CM‘s trwy ddarparu rhwydwaith cymorth sy‘n ei gwneud yn ofynnol iddynt gymryd cyfrifoldeb am eu risg a‘u hymddygiad parhaus. Mae grŵp o hyd at 6 gwirfoddolwr o‘r gymuned yn ffurfio cylch gyda‘r CM, yn cyfarfod yn wythnosol i siarad, darparu cymorth ac arweiniad ymarferol a‘u dal yn atebol. Mae’r cylch yn gweithio gyda chylch allanol o brawf, MAPPA, yr heddlu a gweithwyr proffesiynol eraill sy‘n gweithio gyda‘r CM hefyd, gan gymryd cyfrifoldeb am unrhyw risg a / neu ddiogelu.
Atgyfeirio
Gwneir atgyfeiriadau gan swyddog prawf y CM at Swyddog Prawf Arweiniol Cymru ac yna’n cael eu hasesu am addasrwydd gan banel o Adferiad, MAPPA, Prawf a’r Heddlu.
Rydym yn gweithio gyda’r rhai sydd â’r risg uchaf ac sydd dros 18 oed a hŷn.