Mae angen cymorth brys arnaf

Hafan » Gwasanaethau Cwnsela – Problem a Rennir

Mae Problem a Rennir yn Broblem Wedi'i Hanneru

Darparu dull cwnsela sy’n person-ganolog a ddi-oed

Gwasanaethau Cwnsela – Problem a Rennir

Sut ydyn ni yn wahanol?

Mae Problem a Rennir yn wasanaeth cwnsela sy’n cael ei redeg gan Fentrau Cymdeithasol CAIS sy’n cysylltu pobl sydd angen cymorth gyda’n tîm o gwnselwyr profiadol a chymwys. Yn wahanol i lawer o wasanaethau eraill, mae gennym staff sydd ag ystod eang o brofiadau a byddwn yn galw arnynt i gyd-fynd â’r cefnogaeth sydd ei angen arnoch.  

Os ydych chi yn wynebu straen, pryder, problemau perthynas, neu angen rhywun i siarad â nhw, rydym yn darparu lle diogel a chyfrinachol i archwilio eich pryderon. Trwy ein dewis ni, nid ydych chi yn derbyn cwnsela yn unig; rydych chi’n partneru â thîm sydd wir yn deall gwerth eich lles meddyliol ac sydd yma i’ch cefnogi chi bob cam o’r ffordd. 

Cliciwch Yma i Gysylltu â Ni
Gwasanaethau Cwnsela – Problem a Rennir

Beth ydyn ni'n cynnig?

Mae Problem a Rennir yn cynnig ffordd amgen o gael gafael ar therapi gan roi ffordd gyflym a hawdd i chi cael mynediad i’r cefnogaeth sydd angen arnoch heb yr amseroedd aros hir. Mae ein holl therapïau yn cael eu darparu ar-lein, sy’n golygu y gallwch gael cefnogaeth o gysur a diogelwch eich cartref eich hun.  

Mae ein tîm staff yn gwnselwyr cymwysiedig BACP gyda chyfoeth o brofiad o gefnogi pobl, gan ddefnyddio ystod o dechnegau cwnsela.  

Os byddwn yn ymwybodol o unrhyw un o’n gwasanaethau presennol a allai eich cefnogi, byddwn yn eich tywys drwy’r atgyfeiriad hwnnw, gan arbed arian, amser a sicrhau eich bod yn derbyn y gofal o’r ansawdd gorau posibl.  

 

Gwasanaethau Cwnsela – Problem a Rennir

Beth allwn ni ei addo?

Trwy ein dewis ni i’ch cefnogi, bydd ein cynghorwyr yn:  

  • cynnig lle diogel, cyfrinachol, lle gallwch siarad amdanoch chi eich hun a’ch bywyd, gall hyn fod yn boenus neu’n ddryslyd a gall wneud i chi deimlo’n anghyfforddus, yn ddig neu’n anhapus 
  • cynnig cyfle i feddwl a siarad amdanoch chi eich hun a’ch pryderon mewn ffordd na allwch yn aml ei wneud gyda theulu a ffrindiau 
  • cynnig lle ac amser sydd i chi yn unig i siarad am y pethau hynny sy’n eich trafferthu 
  • gwrando ar sut rydych chi’n teimlo a sut mae hyn yn effeithio arnoch chi ac eraill 
  • derbyn sut yr ydych chi, heb eich barnu 
  • eich helpu i wneud y newidiadau yr hoffech chi weld 
  • gweithio’n galed i greu perthynas therapiwtig dda fel eich bod yn gallu gweithio’n dda gyda’ch gilydd 
  • deall nad yw wastad yn hawdd siarad am eich problemau a mynegi eich teimladau 
  • gweithio gyda chi i wella’ch lles 
  • rhannu gwybodaeth ac adnoddau gyda chi 
Gwasanaethau Cwnsela – Problem a Rennir

Sut allwch chi gysylltu?

Mae cysylltu â ni yn hawdd. Gallwch anfon e-bost i referrals@adferiad.org 

Ar ôl derbyn y cais, bydd ein tîm yn cysylltu â chi i drafod y camau nesaf.

Gwasanaethau Cwnsela – Problem a Rennir

Cwnsela am ddim ar gyfer Gofalwyr yng Nghaerfili

Os ydych chi’n byw yng Nghaerfili ac yn gofalu am aelod o’ch teulu, partner, neu ffrind, rydych chi yn gymwys am grant i dalu cost chwe sesiwn cwnsela gyda Phroblem a Rennir!

Darganfod Mwy