Mae Neil Hussey wedi bod yn Oedolyn Priodol gydag Adferiad ers bron i 15 mlynedd \u2013 r\u00f4l sydd wedi ei weld yn cefnogi miloedd o unigolion sy\u2019n agored i niwed ar draws De Cymru a Gwent, 24 awr y dydd, 365 diwrnod y flwyddyn.<\/p>\n
Cyn ymuno \u00e2\u2019r gwasanaeth, treuliodd dros 30 mlynedd yn gweithio yn y maes adeiladu ar adeiladau\u2019r gwasanaeth sifil ar draws y rhanbarth. Ni allai barhau i weithio mewn r\u00f4l gorfforol yn dilyn damwain yn y gweithle, ac fe ddechreuodd chwilio am ffyrdd newydd i gyfrannu i\u2019w gymuned leol ym Merthyr Tudful.<\/p>\n
Fe helpodd gwirfoddoli mewn prosiectau ieuenctid a chymunedol Neil i ddarganfod ei angerdd i gefnogi pobl. Ehangodd ei brofiad yn ddiweddarach i wasanaethau troseddu ieuenctid a gwasanaethau plant, ac yn ystod y cyfnod hwn fe dderbyniodd alwad ff\u00f4n ynghylch dod yn Oedolyn Priodol gydag Adferiad.<\/p>\n
Yn 2011, ymunodd Neil \u00e2\u2019r gwasanaeth, gan gynnig arweiniad annibynnol i unigolion sydd wedi cael eu harestio ac yn cael eu dal yn y ddalfa. Mae Oedolion Priodol yn chwarae r\u00f4l hanfodol i sicrhau bod hawliau a llesiant pobl sy\u2019n agored i niwed yn cael eu hamddiffyn yn ystod cyfweliadau gyda\u2019r heddlu a phrosesau cyfreithiol \u2013 yn cynnwys bob math o achosion, o droseddau llai megis lladrad neu ymosodiad i droseddau difrifol yn cynnwys treisio a llofruddiaeth.<\/p>\n
Yn agos\u00e1u at 15 mlynedd yn y r\u00f4l erbyn hyn, dywed Neil nad yw \u201cerioed wedi edrych yn \u00f4l\u201d ac mai\u2019r unig beth mae\u2019n ei ddifaru yw na ddechreuodd ynghynt.<\/p>\n
Eisteddodd Rhodri Harrison o D\u00eem Cyfathrebu Adferiad i lawr i gael sgwrs gyda Neil am ei amser o fewn y gwasanaeth.<\/p>\n
Rhodri: Helo Neil, diolch am siarad efo ni. Allwch chi ddweud ychydig wrthym amdanoch chi ac amdan eich r\u00f4l? <\/strong><\/p>\n Neil:<\/strong> \u201cFy enw ydi Neil, rwy\u2019n 69 oed, yn 70 ym mis Gorffennaf \u2013 ac rwy\u2019n Oedolyn Priodol ar gyfer Adferiad, yn cefnogi pobl sy\u2019n agored i niwed tra maent yn y ddalfa.<\/p>\n \u201cMae pob diwrnod yn wahanol, ac mae fy ymagwedd wastad wedi bod yn un o siarad gyda phobl ar lefel bersonol ac i wneud yn si\u0175r eu bod yn deall y broses yn llawn.\u201d<\/p>\n Rhodri: Pam ydych chi\u2019n meddwl bod cefnogaeth Adferiad, a r\u00f4l yr Oedolyn Priodol, yn bwysig i bobl yn y ddalfa? <\/strong><\/p>\n Neil:<\/strong> \u201cAr y cychwyn, nid yw pobl yn ein croesawu ni bob amser, ond rydym yno i gynorthwyo unigolion sy\u2019n agored i niwed a\u2019u helpu i ddeall yr hyn sy\u2019n cael ei ofyn ohonynt.<\/p>\n \u201cRwyf wedi cefnogi pobl sy\u2019n cael trafferth darllen neu ysgrifennu \u2013 mae\u2019r unigolion hynny\u2019n arbennig o agored i niwed, a\u2019n r\u00f4l ni yw i sicrhau nad ydynt yn cael eu rhoi dan anfantais.<\/p>\n \u201cMae Oedolion Priodol yn hollol annibynnol o\u2019r heddlu, ac mae llawer o bobl yn agor i fyny i ni pan maent yn sylweddoli ein bod ni yno iddynt hwy.\u201d<\/p>\n Rhodri: Rydych wedi bod yn rhan hanfodol o\u2019r gwasanaeth ers bron i 15 mlynedd. Sut ydych chi\u2019n myfyrio ar eich hamser yn y r\u00f4l?<\/strong><\/p>\n Neil:<\/strong> \u201cRoedd gen i fentor da iawn, pan ddechreuais i gyda\u2019r gwasanaeth, Darren O\u2019Connell, sydd ddim gyda\u2019r gwasanaeth bellach \u2013 ac fe ddaliodd fy llaw i bob pwrpas ac fy arwain i mewn i\u2019r r\u00f4l.<\/p>\n \u201cRwy\u2019n ceisio cynnig yr un gefnogaeth honno i unrhyw un newydd sy\u2019n meddwl dod yn Oedolyn Priodol. Mae\u2019n werthfawr cael rhywun i siarad gyda nhw ynghylch yr achosion anodd.<\/p>\n \u201cY rhan anoddaf yw\u2019r ansicrwydd o beidio gwybod pryd y bydd yr alwad nesaf yn dod. Rwyf wedi gweithio pob Dydd Nadolig, ond gallaf ddweud yn hollol onest nad wyf wedi edrych yn \u00f4l ers y diwrnod cyntaf y cychwynnais.<\/p>\n \u201cOedolion Priodol yw\u2019r \u2018falf diogelwch\u2019 sy\u2019n sicrhau bod pobl yn y ddalfa yn cael eu hawliau wedi eu hamddiffyn ac yn deall y broses. Mae pobl yn ganolog i\u2019r r\u00f4l yma, a\u2019n blaenoriaeth ni yw i\u2019w rhoi nhw yn gyntaf.\u201d<\/p>\n Rhodri: Rydych wedi gweld y gwasanaeth yn esblygu dros amser. Pa newidiadau sydd wedi sefyll allan fwyaf i chi?<\/strong><\/p>\n Neil:<\/strong> \u201cMae cymaint mwy o ymwybyddiaeth r\u0175an ynghylch cefnogi unigolion niwroamrywiol \u2013 dyna yw un o\u2019r newidiadau mwyaf.<\/p>\n \u201cOnd rwy\u2019n meddwl bod mwy i\u2019w wneud ar gyfer pobl sydd ddim yn gallu darllen neu ysgrifennu. Mae Oedolion Priodol yn hanfodol i\u2019w helpu i ddeall beth sy\u2019n digwydd ac i wneud yn si\u0175r nad ydynt yn cael eu gadael ar \u00f4l.<\/p>\n \u201cEr bod yr heddlu yn atgyfeirio atom, rydym yn hollol annibynnol ohonynt. Fy swydd i yw i gefnogi\u2019r person yna ac i\u2019w helpu i ddeall y broses.<\/p>\n \u201cRwyf wedi cael adborth positif gan bobl oedd yn amharod i ddechrau ond a ddiolchodd i mi yn ddiweddarach am eu helpu drwyddo. Mae\u2019n werth chweil gwybod fy mod wedi gwneud gwahaniaeth i rhywun sydd mewn sefyllfa ble roeddent yn agored i niwed.\u201d<\/p>\n Ym mis Chwefror 2017, gwnaethpwyd newidiadau sylweddol i\u2019r diffiniad o \u2018berson sy\u2019n agored i niwed\u2019 o dan Ddeddf yr Heddlu a Thystiolaeth Droseddol (1984), gan ychwanegu mwy o ganllawiau manwl o gwmpas y diffiniad. Yn gynwysedig o fewn y newidiadau hynny roedd:<\/p>\n Mae ymroddiad Neil dros y 15 mlynedd diwethaf yn amlygu\u2019r r\u00f4l hanfodol mae Oedolion Priodol yn ei chwarae i ddiogelu hawliau a llesiant unigolion sy\u2019n agored i niwed yn y ddalfa. Mae ei dosturi a\u2019i ymrwymiad yn adlewyrchu cenhadaeth Adferiad \u2013 gan sicrhau bod pawb yn derbyn cefnogaeth sydd yn deg ac yn ddeallus pan maent ei hangen fwyaf.<\/p>\n","protected":false},"excerpt":{"rendered":" Mae Neil Hussey wedi bod yn Oedolyn Priodol gydag Adferiad ers bron i 15 mlynedd \u2013 r\u00f4l sydd wedi ei…<\/p>\n","protected":false},"author":20,"featured_media":10757,"comment_status":"closed","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[1],"tags":[],"class_list":["post-10756","post","type-post","status-publish","format-standard","has-post-thumbnail","hentry","category-uncategorised"],"acf":[],"yoast_head":"\n
\n\n